رميت طوبتها وسيبتها !!
نسيت عشرة سنين
وايام معاها عيشتها
دلوقتى بتقول بتقيدك
وواخدة منك حريتك
دلوقتى بقيت وحشة
بعد ماغلطت فيها وحاسبتك
ياخسارة البطن اللى شالتك
والارض اللى على ترابها مشيتك
وميه نيلها اللى رواك
وخيرها اللى ياما به غذيتك
رايح تبوس أرض غيرك
راكع وروحك فدا لغيرك
صدقنى مش ده مكانك
ولاعمره هيكون نجاتك
حفرت قبرك بايدك
خليك عايش لنفسك
حارب واقتل اهلك
وقول بدافع عن الحرية
لكن عمرك ماهتشوفها
عايزهم يحترموا خاين
ويهللو لو فى المداين
وحتى لو دى البدايه
هتكون ف عيونهم برضه خاين
اللى ميصونش بلده
ويحطها ف عيونه
حلال فيه ضرب النعال
قليل عليه كلمة جبان
خليك هناك اوعى تفكر
ارضك زمان مبقيتش ليك
وزى مابعتها بحته سكر
بكرة المرار يخلص عليك
وصف الكاتب هنا
0 التعليقات :
إرسال تعليق